Info
Z hajnikom do Božeje stwórby
Sekcija swójby Towarstwa Cyrila a Metoda z.t. (TCM) přeprošuje dźěći 4. a 5. lětnika, zo bychu sobotu, 13. junija, zhromadnje z klóšterskim hajnikom Guidom Budarjom Božu stwórbu bliže zeznali. Wone zetkaja so w 10.00 hodź. w Smječkecach při hajnkowni, Winicowa 13 (Weinbergstraße 13), hdźež so zarjadowanje w 14.00 hodź. skónči. Wottam podadźa so pěši na puć po lěsu, zo bychu Božu stwórbu widźeli, słyšeli a čuli. Wone trjebaja krute črije a wotpowědnu drastu. Pućowanje wotměje so tež při špatnym wjedrje. Mjez druhim móža dźěći štomy a druhe rostliny sadźeć. Přinošk, kiž so na městnje zběra, wučinja tři eura na dźěćo. Wobdźělić móže so jeničce 20 dźěći.
Tute přizjewjenje je zawjazowace. Diese Anmeldung ist verbindlich.
