Info
„Što tam spěwa, lěta, šumi?“
Pod hesłom „Što tam spěwa, lěta, šumi?“ přeprošuje sekcija Swójba Towarstwa Cyrila a Metoda z.t. (TCM) w kooperaciji z Dekanatnym dušepastyrstwom za dźěći na zhromadny dźeń za šulerjow wot 4. do 6. lětnika w Njeswačanskim hrodźe, kotryž budźe sobotu, 10. awgusta, wot 10.00 do 14.00 hodź. Pod nawodom Madleny Mičkec, projektoweje sobudźěłaćerki tamnišeje přirodoškitneje stacije, a Guida Budarja, zastojnika w zawodźe Sachsenforst, budu so dźěći z Božej stwórbu zaběrać a zeznajomja so z ptačinu kaž tež štomami swojeje domizny. Nimo toho móža ptački picować a sej kukawč natwarić a sej jón sobu domoj wzać. Za wudawki dnja zběraja wot kóždeho wobdźělnika přinošk pjeć eurow. Zajimcy měli so online pod www.posol.de přizjewić. Ličba městnow je wobmjezowana. Je-li zajim jara wulki, TCM samsne zarjadowanje na dalšim terminje wospjetuje.
Tute přizjewjenje je zawjazowace. Diese Anmeldung ist verbindlich.
