Wopyt bibliskeje zahrody
Wosadna rada přeprošuje wšitkich čłonow Ralbičanskeje wosady na zhromadny wopyt bibliskeje zahrody w Oberlichtenauwje. To je prěnja bibliska zahroda Němskeje, kotraž stawizny, kulturu a wšědne žiwjenje antikskeho Israela na jónkrótne wašnje žiwje a zrozumliwje předstaja. Widźeć móžeće jónkrótne rekonstrukcije wšědneho žiwjenja z bibliskeho časa, mjez druhim woprawdźity, z kozacych włosow tkany beduinowy stan, antiksku oliwowu prasu, romske křiže kaž tež napodobnjenje skalneho rowa. Tež při špatnym wjedrje je tam jara wjele widźeć, dźěći móže paslić. Wopyt so za wšitke generacije wudani. Zetkanišćo je njedźelu, 9. awgusta, w 15.00 hodź. w Oberlichtenauwje při bibliskej zahrodźe (Am Schloßpark 2, 01896 Pulsnitz-Oberlichtenau). Za lěpše planowanje – mjez druhim poskitkow za dźěći – prosymy, zo bychu so zajimcy hač do póndźele, 3. awgusta, do wupołoženeje lisćiny abo tule online zapisali. Zastup za wjele, štož móžeće dožiwić, płaći tři eura. Móžemy tam k zakónčenju wokoło 17.00 hodź. hišće biblisce wječerjeć (14,00 euro).
Besuch des Bibelgartens
Der Pfarrgemeinderat lädt alle Mitglieder der Pfarrgemeinde Ralbitz zu einem gemeinsamen Besuch des Bibelgartens in Oberlichtenau ein. Dieser ist der erste biblische Garten Deutschlands, der die Geschichte, Kultur und den Alltag des antiken Israels auf einzigartige Weise lebendig und anfassbar macht. Zu sehen sind einzigartige Rekonstruktionen aus dem biblischen Alltag, unter anderem ein echtes, aus Ziegenhaar gewebtes Beduinenzelt, eine antike Olivenpresse, römische Kreuze sowie die Nachbildung eines Felsengrabes. Auch bei schlechtem Wetter gibt es sehr viel zu sehen und auch zu basteln. Der Besuch lohnt sich für alle Generationen. Treffpunkt ist am Sonntag, 9. August, um 15.00 Uhr in Oberlichtenau am Bibelgarten (Am Schloßpark 2, 01896 Pulsnitz-Oberlichtenau). Für eine bessere Planung – unter anderem der Angebote für Kinder – bitten wir, dass sich Interessenten bis Montag, 3. August, in die ausgelegte Liste oder hier online eintragen. Der Eintritt für sehr viel, was man sehen kann, kostet drei Euro. Wir können dort zum Abschluss gegen 17.00 Uhr noch biblisch zu Abend essen (14,00 Euro).
